Чортоқ туманида аҳоли муаммоларини ўрганиш, ижтимоий-иқтисодий масалаларни ҳал этиш, бандликни таъминлаш ва камбағалликни қисқартириш бўйича кенг қамровли ишлар давом этмоқда.
Республика ишчи гуруҳи вакиллари "Бешкапа" ёшлар кичик саноат зонасидаги "Farxod texno star" МЧЖ фаолияти билан танишишди. Айни пайтда бу ерда фуқаро Фарходжон Алимбаев томонидан кундалик турмушда фойдаланиладиган турли техникалар ихтироси устида иш кетмоқда. Хусусан, барча турдаги мавали дарахтлар мевасини йиғиб-теришга мослаштирилган техниканинг яратилишини сўнгги босқичлари якунланмоқда. Албатта, бу каби техникаларнинг яратилиши биринчи навбатда иш унумдорлигининг ортишига, қолаверса ишчи кучига кетадиган харажатларнинг камайишига хизмат қилади. Ишчи гуруҳ вакиллари ихтиро ҳақида фикр билдиришар экан, ҳақиқатда бунинг самарадорлиги тасдиқланса, айниқса, боғдорчиликка ихтисослашган Чортоқ туманида унга бўлган талабнинг ортиши шубҳасиз эканлиги таъкидланди.
