Чортоқ туманидаги "Айқирон миришкорлари" ММТП ҳудудида от спорти ишқибозлари томонидан улоқ кўпкари мусобақаси ташкил этилди.
Беллашув давомида спортчиларимиз яхши тайёргарлик ва юқори маҳоратга эга эканликларини амалда намоён этдилар.
Миллатимизнинг азалий қадриятларини кенг тараннум этган мазкур мусобақа сўнггида ғолиблар ташкилотчилар томонидан муносиб тақдирланди.
Шунингдек, саховатпеша инсонлар ҳомийлигида кам таъминланган оила фарзандларининг хатна тўйлари ўтказиб берилди.
Туман ҳокими Илҳомжон Саттаров бошчилигидаги сектор раҳбарлари, иштирокчилар ҳамда нуронийлар эзгу тилаклар билан дуолар қилишди.