Чортоқ тумани ирригация бўлимида “Тежамкор суғориш технологияларини лойиҳалаш, қуриш, фойдаланиш ва ишлатиш хамда экинларни с
увга бўлган талабини аниқлаш ва режалаштиришда замонавий халқаро усуллардан фойдаланиш” мавзусида “Сув хўжалиги ташкилотлари” мутахассислари учун тренинг дастури ўтказилди. Сув хўжалиги ходимларига сув танқислигини юмишатишда асосий бўлган омилларга тўхталиб ўтган холда Annexuru Доимий Муассаса асосий ва махалий экспертлари А.Алимджанов бошчилигида “Сув тежамкор суғориш технологияларини лойиҳалаш, қуриш ва фойдаланишга топшириш”, “Сув тежамкор суғориш технологияларини фойдаланишга топшириш (томчилатиб суғориш, мисолида) бўйича далолатномани расмийлаштириш тартиби, “Сув тежамкор суғориш технологияларини ишлатиш ва эксплуатация қилиш тартиби”, “Экинларнинг сувга бўлган талабини аниқлаш услубияти (миниметеостанция, гидроавтоскан, тензиметр, кондуктометрлар)”, “Қишлоқ хўжалик экинларини суғоришни режалаштиришда замонавий дастурларни қўллаш тамойиллари (“CropWat” дастур ва бошқалар)”, “Экинларни суғориш тартибини FAO услубиятининг “CropWat” дастури (Пенман-Монтейт усули ва бошқалар) ёрдамида ҳисоблаш кетма-кетлиги (аниқ худуд бўйича)” хамда “Қишлоқ хўжалик экинларини сув истеъмолини эмпирик формулалар (Блейни -Кридл, Г.К.Льгов, Н.Н.Иванов ва бошқалар) асосида аниқлаш” мавзуларда оддий ва махаллий мутахассисларга тушунарли холатда маъруза қилишди.
Қатнашчиларга мавзуларнинг барчаси амалий томондан тушунтириб берилди.Ўтказилган тренинг натижаларини самарали ўтказилганлигини баҳолаш мақсадида тренинг ўтказилгандан кейин қатнашчиларни якуний билим савиялари баҳоланди. Хамда тренинг ўтказилиши натижасида юқори билмга эга бўлганликлари аниқланди. Шуни хам таъкидлаш жоизки, тренинг қатнашчилари ўз навбатида тренинг дастурини олиб борилиши, ташкилиш масаллар хамда келгусида сув хўжалигини юритишни талаб даражасида олиб бориш учун зарур бўлган тренинг мавзуларини ёзма равишда тақдим қилишди.