Наманган вилояти ҳокимлигида “Диний бағрикенглик” кўкрак нишонини топшириш маросими бўлиб ўтди.
Ўзбекистонда диний бағрикенглик ва миллатлараро тотувлик тарихий илдиз ва мустаҳкам қонуний асосларга эга бўлиб, дунёвий давлат ва дин орасидаги муносабатларнинг мустаҳкам ҳуқуқий асослари яратилган. Давлатимиз раҳбари эътироф этганидек, “Ўзбекистоннинг бойликлари кўп, лекин бизнинг энг катта бойлигимиз, энг юксак қадриятимиз–жамиятимизда ҳукм сураётган тинчлик, миллатлараро дўстлик ва ҳамжиҳатликдир.
Кўкрак нишони билан юртимизда яшаётган барча миллат вакиллари ўртасида миллатлараро дўстлик ва тотувлик, диний бағрикенгликни ривожлантиришда самарали натижаларга эришган давлат органлари ходимлари, диний соҳа вакиллари тақдирландилар.