Бугунги кунда фитосанитар хафсиз экспортбоп сифатли қишлоқ хўжалиги маҳсулотлари дейилганда маҳсулотларнинг таркибий сифат кўрсаткичлари ҳам тушунилиши керак. Яъни, мева-сабзавотларнинг ташқи кўриниши билан бирга албатта унинг ички таркиби ҳам талабга жавоб бериши керак.
Бунинг учун эса қишлоқ хўжалиги экинлари парвариши ҳамда уларнинг турли касаллик ва зараркунандалардан ҳимоялашда биологик кураш чораларига катта аҳамият қаратиш лозим. Ҳозирги кунда ўсимликларни биологик ҳимоя қилишда кенг қўлланилаётган энтомофаглар орасида олтинкўз алоҳида ўринга эга.
Ўзбекистон шароитида асосан оддий олтинкўз (CHrysopa carnea) ва етти нуқтали олтинкўз (Chrysopa septempunctata Wegrn) кўп қўлланилади. Қишлоқ хўжалиги экинлари зараркунандаларига қарши биологик усулда курашда олтинкўзни тўғри қўллаш муҳимҳм аҳамият касб этади. Март ойининг 1-2 ўн кунликларида 1м² бегона ўтда 2 та ўсимлик бити кузатилганда ( 1 га ерда 20000 та бўлади ) олтинкўз 1:30 нисбатда қўйилади. Ғўза трипсига қарши бир далада 20 та намуна кўрилиб, (3х20-60 та ўсимлик ) зараркунанда кузатилса 1:1 нисбатда энтомафаг чиқарилади. Апрель ойининг 2-3 ўн кунлигида ғўза битлари кўрина бошлайди. Шу даврда олтинкўз тухумлари 1:1 нисбатда чиқарилади. Май ойининг охиридан бошлаб ўсимлик битларига қарши олтинкўз 1:30 нисбатда чиқарилади. Агар 10м² майдонда 1-2 кўсак қурти тухуми ёки кичик қуртлар кузатилса энтомафагни зараркунанда тухумига нисбатан 1:15 ёки зараркунанда қуртига нисбатан 1:1 нисбатан чиқарилади. Олтинкўз нам ҳавони яхши кўради. Шу сабабли суғорилган далалар ва ариқ ёқаларида кўп учрайди. Хулоса қилиб айтганда, олтинкўзни ўз вақтида қўллаш зараркунандаларга қарши яхши самара беради. Бобуржон Ибрагимов, Ўсимликлар карантини ва химояси бошқармаси Чортоқ тумани бўлими фитосанитар назорати давлат инспектори