Ўзбекистон Республикаси Ёшлар ишлари агентлиги ҳамда Ўзбекистон Ёш фермерлар кенгаши билан ҳамкорликда Чортоқ туманида «Ёш экспортчилар» лойиҳаси бўйича ўқув семинар ташкил этилди.
Семинарда ёш тадбиркорларни экспорт бозорларига киришга тайёрлаш, уларга халқаро савдо жараёнларини ўргатиш ва мамлакатимизнинг экспорт салоҳиятини ошириш, экспорт бозорларини ўрганиш, савдо стратегияларини ишлаб чиқиш, халқаро бизнес юритишнинг ҳуқуқий асослари ҳамда экспорт жараёнида логистика ва таъминот занжирини бошқариш бўйича муҳим билимлар берилди.
Лойиҳа доирасида ёш тадбиркорлар, тадбиркорликка қизиқиши бўлган ёшлар ва ёш фермерлар халқаро экспорт соҳаси бўйича зарур билим ва кўникмаларга эга бўлдилар.