Катта қизиқиш ва ижобий таассуротлар билан ўтказиб келинаётган «Элга хизмат – олий мақсад!» шиори остидаги коучинг Чортоқ туманида бўлиб ўтди
Ижтимоий ҳимоя миллий агентлиги Наманган вилояти бошқармаси томонидан ташкил этиб келинаётган коучингдан кўзланган асосий мақсад фуқароларга «Инсон» марказларининг вазифалари, тақдим этаётган ижтимоий хизматлари ҳақида батафсил тушунчалар беришдан иборат.
Бундан ташқари коучинг давомида йиғилганларга газ ва электр тўловлари учун бир марталик компенсация тўловлари, санаторийларга йўлланма бериш тартиби, «Саховат ва кўмак» жамғармасидан ёрдам кўрсатиш, ногиронлиги бўлган шахсларни реабилитация қилишнинг техник воситалари ва протез-ортопедия маҳсулотлари билан таъминлаш, ижтимоий нафақалар каби йўналишларда ҳам содда ва халқчил усулда маълумотлар бериб ўтилди.
Мазкур тадбирнинг интерактив усулда психологик ўйинлар асосида ўтказилгани барча иштирокчиларга бирдек маъқул келди. Шунингдек, коучингнинг маданий қисми уларга юқори кайфият тақдим этди.